भिन्नता

                      

   

मेरो वेग सङ्गै बहकीन सक्ने तिम्रो रफ्तार छैन,

तिमी विनाशकारी हुन सक्दैनौ,

अहँ, तिमी बिल्कुल फरक छौ,

हाम्रो भावनामा मेल छैन,

म उजाड बनाइदिन्छु हरियालीलाई,

तिमी अझै प्रश्न गर्छौ किन,

म सङ्ग भावना बुझ्ने सामर्थ्य छैन ?

तिमी जुन, तारा र गुलाफी कुरा गर्छौ,

म आफू, आफैसङ्ग, आफ्नै बारेमा कुरा गरिरहन्छु,

यसर्थ तिमी र म बिल्कुल भिन्न छौँ,

तिमी माया र प्रेमका कुरा गर्छौ,

म जीवन र मृत्युका बारे सोचिरहन्छु,

तसर्थ हाम्रो मायामा रोक छ,

तिम्रो जीवन फुलबारी झै,

तर मेरो जीवनमा रोक र शोक छ !!