सपना

सपना,  

कसरी  पुरा गरुम ?

उड्ने,

यी मेरा चाहाना

      

बुझिदेउ,

मेरा भावना ।।

 

अतृप्ति छन्, असम्भब छैनन्,

अशङ्ख्य छन्, अव्यवस्थित छैनन्।

म विमत छु, अव्यबहारिक छैन्, 

सपना, 

अनौठा छन्, निहाली हेर्,

म सङग पनि, त्रिनेत्र छैन ।।

शून्य

फेरि लड्नु छ,

बिगत भुलेर, बर्तमान सङ्ग

धेरै हिड्नु छ,

कर्मको फल बोकि,

कतै नरोकि, नठोकी

जीवन जिउनु छ,

अर्थ बुझी।

मेरो अतीत घुमाउरो छ,

भबिस्य बाङ्गो छ

जीवन एउटै छ,

बर्तमान नाङ्गो छ।

शून्यतामा हरायो भने जीवन,

म शून्यभित्रै हुनेछु

शुन्य भई बिलायो भने जीवन,

म शून्य हुनेछु ।

मौन म

हो,

म हराउँदै गएको छु,

खोक्रा सबै,म डराउदैं

समेट्दै, म हिडेको छु,

                                 बोक्रा मेरै, म जलाउदैं।                                

 परिवर्तनशिल छु म,

गलत छैन,आफ्नै गतिमा छु

अबुझ हैन्,

म, मौन छु,

झुन्डमा हैन, म एक्लै छु,

बेकार हैन्, म बिशाल छु।

मौन, म।

सम्बन्ध,

जोड्दै, तोडदै

गन्तव्य,

कोर्दै, मेटाउदै,

हो, म हराउँदै गएको छु

खोक्रा सबै,

म डराउदैं,

समेट्दै म, हिडेको छु,

बोक्रा मेरै,

म जलाउदैं ।

अज्ञात,

बुझ्दै, सम्झाउदैँ

मन्तव्य,

सुन्दै, सुनाउदैँ

म गलत, अबुझ

म बेकार, म एक्लै भएको छु

म शुन्य, मौन म।