साहारा

                            

मलाई साथ देऊ,

तिमी मेरो हौ त भनिदेउ,

मेरो साहस त बनिदेउ,

एकचोटी भनिदेउ, मेरो हात समाएर,

मलाई साहारा देऊ !!

मेरा सुख चुम्ने सबै अधिकार तिमी लेऊ,

तिम्रा दुख सबैलाई सुखमा नै परिणत गरिदिउँला,

हात देउ मलाई हरेक जँघार सजिलै म तराइदिउँला,

एकचोटी भनी त देऊ, 

मेरो हात समाएर मलाई साहारा

देऊ !!

यो सृष्टि त खै कस्को रचना हो ?

हाम्रो सृष्टि हामी आफै रचना गर्नुपर्छ,

सोचेर, 

मलाई एकचोटी भनिदेऊ, 

मेरो हात समातेर, मलाई साहारा देऊ !!